აგრარულ საკითხთა კომიტეტის თავმჯდომარე გელა სამხარაული სომხეთის რესპუბლიკის საგანგებო და სრულუფლებიან ელჩს, აშოტ სმბატიანს შეხვდა.

შეხვედრაზე მხარეებმა სხვადასხვა მიმართულებით ორმხრივი თანამშრომლობის გაძლიერების მნიშვნელობას გაუსვეს ხაზი. აღინიშნა, რომ ეკონომიკური და სოციალური კეთილდღეობისთვის, აუცილებელია სამხრეთ კავკასიის რეგიონში სტაბილური და მშვიდობიანი განვითარება გაგრძელდეს, რაც თავის მხრივ, ურთიერთთანამშრომლობის სხვადასხვა პლატფორმას შექმნის.

„შეხვედრაზე სოფლის მეურნეობის განვითარების საკითხებზე ვისაუბრეთ. საქართველოს აქვს გარკვეული მიმართულებები, სადაც წარმატებებს მივაღწიეთ, ანალოგიური მაგალითები აქვს სომხეთს და მნიშვნელოვანია, რომ ამ წარმატებების და გამოცდილების ურთიერთგაზიარება მოხდეს. ასევე უნდა აღინიშნოს, რომ თანამშრომლობა მხოლოდ საპარლამენტო და სამთავრობო დონეებით არ შემოიფარგლოს და ორმხრივი ურთიერთობები ჩვენი ქვეყნების ფერმერებსა და ბიზნეს სექტორის წარმომადგენლებთანაც გაგრძელდეს“, - განაცხადა გელა სამხარაულმა.