საპარლამენტო უმრავლესობის წევრი ანტონ ობოლაშვილი ადიგენის მუნიციპალიტეტის იოკიმე ბალახაშვილის სახელობის უდის №1 საჯარო სკოლის მოსწავლეებს შეხვდა.

ანტონ ობოლაშვილმა მოსწავლეებს საქართველოს პარლამენტის მუშაობის სპეციფიკა, სტრუქტურა და საქმიანობის ძირითადი მიმართულებები გააცნო.

„მოსწავლეები პარლამენტის საქმიანობის პროცესს გაეცნენ, ასევე მიიღეს ინფორმაცია კანონპროექტების ინიციირებისა და განხილვის პროცედურების შესახებ. მოსწავლეებმა მათთვის საინტერესო თემებზე კითხვები დასვეს. მნიშვნელოვანია ახალგაზრდებთან, ჩვენი მომავალი თაობის წარმომადგენლებთან აქტიური ურთიერთობა“, - განაცხადა ანტონ ობოლაშვილმა.

საქართველოს პარლამენტში სტუმრობის ფარგლებში, სკოლის მოსწავლეებმა და მასწავლებლებმა პარლამენტის სასახლე და ექვთიმე თაყაიშვილის სახელობის ქართული პარლამენტარიზმის მუზეუმი დაათვალიერეს.