ანზორ ბოლქვაძე ქედის მუნიციპალიტეტში დანდალოს, ცხმორისის, წონიარისისა და ზვარის ადმინისტრაციული ერთეულის მოსახლეობას შეხვდა
საქართველოს პარლამენტის წევრი ანზორ ბოლქვაძე დანდალოს, ცხომორისის, წონიარისის და ზვარეს ადმინისტრაციული ერთეულის სოფლების მოსახლეობას შეხვდა.
შეხვედრები ღია დიალოგის ფორმატში მიმდინარეობდა.
მოსახლეობას შესაძლებლობა ჰქონდა მათთვის საინტერესო კითხვებზე მიეღოთ პასუხები და დაესახელებინათ საჭიროებები, რომლებიც სოფლად მცხოვრები მოქალაქეებისათვის მნიშვნელოვანია.
როგორც შეხვედრებზე აღინიშნა, სწორედ მოსახლეობის საჭიროებების ადგილზე გაცნობის მიზნით რეგიონში ორ თვეზე მეტია მიმდინარეობს ინტენსიური შეხვედრები, რათა მსხვილი პროექტები მომავალი წლის ბიუჯეტში მაქსიმალურად იქნას ასახული ან საკითხები, რომლებიც მოსახლეობას აწუხებს, შესაძლებლობის შემთხვევაში სწრაფად იქნას მოგვარებული.
შეხვედრებს ესწრებოდნენ აჭარის ა.რ. სოფლის მეურნეობის მინისტრი ტიტე აროშიძე, აჭარის ა.რ. ჯანდაცვის მინისტრის მოადგილე ნინო ნიჟარაძე, აჭარის ა.რ. განათლების, კულტურისა და სპორტის მინისტრის მოადგილე ალექსანდრე დავითაძე, ქედის მერის პირველი მოადგილე როლანდ ბერიძე და ადგილობრივი თვითმმართველობის წარმომადგენლები.
