მოსახლეობის საჭიროებების ადგილზე გაცნობის მიზნით, ანზორ ბოლქვაძე შეხვედრებს ქედის მუნიციპალიტეტში, ძენწმანაში, ოქტომბერსა და მერისში განაგრძობს.

ადგილობრივ მოსახლეობას შესაძლებლობა ჰქონდა მათი ოლქის მაჟორიტარი პარლამენტის წევრისთვის გაეცნოთ სოფლად არსებული საჭიროებები და კითხვებზე ამომწურავი პასუხები მიეღოთ.

წყალმომარაგების საკითხები, საგზაო ინფრასტრუქტურის მოწესრიგება, გაზიფიცირება, ტყე-კაფებში შემავალი გზები, სოფლის მეურნეობის დარგების ხელშეწყობა და სოფლის განვითარების პროგრამები - ეს ის საკითხებია, რომელსაც მოსახლეობა ძირითად პრიორიტეტად მიიჩნევს.

„მომავალი წლის ადგილობრივი ბიუჯეტის დაგეგმვისათვის მართლაც მნიშვნელოვანია მოსახლეობის აზრი და ჩართულობა. კომუნიკაციის ეს ფორმა ჩვეულებრივი სამუშაო პროცესია ჩვენი ხელისუფლებისთვის. მუნიციპალიტეტის ადგილობრივ ბიუჯეტში აუცილებლად იქნება გათვალისწინებული ის პრიორიტეტები, რაც თქვენგან წამოვიდა. სწორედ ამ მიზანს ემსახურება ბოლო კვირის განმავლობაში ჩვენი აქტიური შეხვედრები მოსახლეობასთან“, - აღნიშნა ანზორ ბოლქვაძემ.

შეხვედრებზე იმყოფებოდნენ აჭარის ა.რ. მთავრობისა და ადგილობრივი თვითმმართველობის წარმომადგენლები.