პარლამენტის კულტურის კომიტეტის თავმჯდომარე გიორგი გაბუნია საზოგადო მოღვაწის, ლოტბარისა და ფოლკლორისტის, ანზორ ერქომაიშვილის სამტომეულის „საქართველო - ისტორია, კულტურა, ეთნოგრაფია" ქართულენოვანი გამოცემის პრეზენტაციას დაესწრო და ღონისძიების მონაწილეებს სიტყვით მიმართა.

გიორგი გაბუნიამ ანზორ ერქომაიშვილის გაწეულ ღვაწლსა და წიგნის განსაკუთრებულ მნიშვნელობაზე ისაუბრა და აღნიშნა, რომ სამტომეული აერთიანებს სამუსიკო ფოლკლორს, ქართულ საეკლესიო მუსიკას, ასევე მოიცავს თანმდევ ნაშრომებს არქეოლოგიაზე, არქიტექტურაზე, ისტორიასა და ეთნოგრაფიაზე.

ანზორ ერქომაიშვილის სამტომეულის პრეზენტაცია ბათუმში, შავი ზღვის ხელოვნების საერთაშორისო ფესტივალის ფარგლებში გაიმართა.

პრეზენტაციას ესწრებოდნენ: აჭარის ავტონომიური რესპუბლიკის კულტურის მინისტრი ელისო ბოლქვაძე, გურიის მხარეში სახელმწიფო რწმუნებული გიორგი ღურჯუმელიძე, ფოლკლორის სახელმწიფო ცენტრის დირექტორი გიორგი დონაძე და კულტურის სფეროს წარმომადგენლები.