ევროპასთან ინტეგრაციის კომიტეტის თავმჯდომარე ლევან მახაშვილი სტუდენტური პარლამენტის წევრებს შეხვდა.

შეხვედრა კითხვა-პასუხის ფორმატში წარიმართა.

ლევან მახაშვილის სტუდენტური პარლამენტის წევრებთან შეხვედრის მთავარი თემები საქართველოს საგარეო და საშინაო პოლიტიკის პრიორიტეტები, საქართველო-ევროკავშირის ურთიერთობები, ევროინტეგრაციის გზაზე მიღწეული პროგრესი, ამ პროცესზე შიდა და გარე ფაქტორების ზეგავლენა იყო.

ახალგაზრდებმა განსაკუთრებული ინტერესი რეგიონული უსაფრთხოების საკითხებისა და სამხრეთ კავკასიის რეგიონში არსებული გამოწვევების მიმართ გამოხატეს.

ლევან მახაშვილმა ახალგაზრდებს მადლობა გადაუხადა აქტიური ჩართულობისთვის და მზადყოფნა გამოთქვა, მომავალშიც გაგრძელდეს მსგავსი შეხვედრები.