საქართველოს პარლამენტი სახელმწიფო უსაფრთხოების სამსახურის უფროსის კანდიდატურას დღევანდელ პლენარულ სხდომაზე უყრის კენჭს. აღნიშნულის შესახებ პარლამენტის თავმჯდომარემ შალვა პაპუაშვილმა პარლამენტის ბიუროს სხდომაზე განაცხადა.

„დღეს მთავრობა პარლამენტში სახელმწიფო უსაფრთხოების სამსახურის უფროსის კანდიდატურას წარადგენს. პლენარული სხდომის შესვენებისას პარლამენტის ბიუროს სხდომა გაიმართება და საკითხი თავდაცვისა და უსაფრთხოების კომიტეტს გადაეცემა განსახილველად. კომიტეტის სხდომა დღესვე ჩატარდება და კანდიდატურას განიხილავენ. ამის შემდეგ, ისევ ბიუროს სხდომა გაიმართება და საკითხი კენჭისყრისთვის პლენარულ სხდომაზე გავა“, - განაცხადა შალვა პაპუაშვილმა.