პარლამენტის საპროცედურო საკითხთა და წესების კომიტეტმა ბათუმში, აჭარის ავტონომიური რესპუბლიკის უმაღლეს საბჭოში გასვლითი სხდომა გამართა.

კომიტეტმა, პარლამენტის რეგლამენტით დადგენილი მოთხოვნების შესაბამისად, პარლამენტის წევრის კითხვაზე რეაგირების შესახებ საკითხი განიხილა, რომელიც 2025 წლის 1 მარტიდან 2025 წლის 31 მაისამდე პერიოდს მოიცავს.

ინფორმაციას განხილული საკითხის შესახებ კომიტეტი საქართველოს პარლამენტის ბიუროს წარუდგენს.

დღევანდელ სხდომაზე, აჭარის ავტონომიური რესპუბლიკის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტის წევრებს საქართველოს პარლამენტის ახალი რეგლამენტი გააცნეს, რომელიც 2025 წლის 1 ივლისიდან ამოქმედდება.

ყურადღება გამახვილდა პარლამენტის რეგლამენტის მნიშვნელოვან სიახლეებზე, მათ შორის იმ მუხლებზე, რომელიც ინტერპელაციის გამართვის პროცედურებს, „მინისტრის საათის“ გაუქმებას, რამდენიმე კომიტეტისთვის სახელწოდების შეცვლას და რეგლამენტის განახლებულ სტრუქტურას შეეხება.

​სხდომას ასევე ესწრებოდნენ აჭარის ავტონომიური რესპუბლიკის უმაღლესი საბჭოს წარმომადგენლები.