საქართველოს პარლამენტის წევრი შალვა კერესელიძე სტუდენტური პარლამენტის წევრებს შეხვდა.

შეხვედრის მთავარი თემა მაღალმთიანი რეგიონები და მათი განვითარების საკითხები იყო.

დეპუტატმა სტუდენტების შეკითხვებს უპასუხა და მაღალმთიან რეგიონებში არსებული პრობლემების გადაჭრასთან დაკავშირებით მათი ხედვები მოისმინა.

„როგორც მცხეთა-მთიანეთის მაჟორიტარმა დეპუტატმა, სტუდენტებს შევთავაზე გვესაუბრა მაღალმთიანი რეგიონების ხელშეწყობისა და განვითარების საკითხებზე. ვიმსჯელეთ მთაში არსებულ გამოწვევებზე და პრობლემებზე, მათი გადაჭრის გზებზე. სტუდენტებს გავუზიარე ის ხედვა, რაც მაღალმთიან რეგიონებთან დაკავშირებით გვაქვს. ფაქტი ერთია, რომ მაღალმთიანი რეგიონების მხარდაჭერა, იქ მოსახლეობის დაბრუნება და დახმარება ჩვენი პრიორიტეტი და ვალდებულება უნდა იყოს. სტუდენტებისგან მოვისმინეთ მათი მოსაზრებები, პოზიციები. მოვისმინეთ ძალიან საინტერესო კითხვები და მიხარია, რომ სტუდენტების ინტერესი ამ საკითხთან მიმართებაში ძალიან მაღალი იყო,“ - განაცხადა შალვა კერესელიძემ.